Oharrak

2018ko maiatzaren 4ra arte kobratu ahal izango dira 2017. urteari dagozkion idazkun eta seinaleen bidezko okupazio-tasak. Ordainketa helbideratuta ez duten zergapekoek Laboral Kutxako bulegoetan ordaindu ahal izango dute (Mendiko kalea 1, Amurrio), astelehenetik ostiralera 08:30etik 10:30era bitartean. Epe hori amaitutakoan, premiamendu administratiboko prozedura exekutiboari ekingo zaio, eta ordaindu ez diren kuotak kobratuko dira, % 20ra arteko gainordainarekin.

2018ko maiatzaren 4ra arte ordaindu ahal izango dira Administrazio Batzarretan 2017ko hirugarren hiruhilekoari dagozkion zabor zerbitzuaren tasak. Amurrioko Udaleko zergak biltzeko bulegoan ordain daitezke; bulegoa udaletxeko beheko solairuan dago Epe hori amaitutakoan, premiamendu administratiboko prozedura exekutiboari ekingo zaio, eta ordaindu ez diren kuotak kobratuko dira, % 20ra arteko gainordainarekin.

Otsailaren 15etatik  aurrera 4. hiruhilekoari dagokion estolderia-zerbitzua eta ur-horniduraren zerbitzua eskaintzeagatiko tasari dagozkion ordainagiriak kobratuko dira Amurrion eta Larrinben. Ordainketa helbideratu gabe duten zergadunek Caixabankeko bulegoetan (Elexondo kalea 21, Amurrio) ordaindu ahal izango dituzte astelehenetik ostiralera, 08:15etik 14:00etara, fakturan bertan adierazitako epean.

Aztarna Amurrioko Elkarte Etnografikoak Goi Nerbioiko etnografiari eta kulturari buruzko aldizkariaren beste zenbaki bat argitaratu du, 49.a, eta 2,70 euroren truke eskura daiteke. Azken argitalpen honetako 56 orrialdeetan, honako artikulu hauek irakur daitezke, besteak beste: “El Campo de Saraube. Reconstrucción”, “Una descripción urbanística del Amurrio de 1884”, “Ayaleses en Tierras de Rioja Alavesa y de la Sonsierra riojana”, “Los restos de la Guerra (1936-1937). Una relación exhaustiva de las trincheras de Ayala-Gorbea” eta “El barrio Aldama de Amurrio y la devoción a los Santos Simón y Judas”. Aldizkariaren amaieran, argazki oroigarrien ohiko atala jaso dute.

Aiara emakidaren 15 eta 16 lineen ordutegiak eguneratu egin dira. Ordutegi berriak erantsitako liburuxketan. Aldaketa hauek ez dute eraginik irteerako ordutegietan. 

Ficheros:

amurrio

Abenduaren 9ko 21/2013 Estatuko Legea, ingurumen eraginarena betez, Amurrioko hiri antolamendurako plan orokorreko ingurumen jasangarritasunaren txostena egokitu egin da ingurumen azterlan estrategikora.Halaber, Amurrioko hiri antolamendurako plan orokorraren izapidean txertatu da genero eraginaren aurretiazko txostena.

http://amurrio.eus/es/documentacion-tecnica-plan-general

entrada

Amurrioko Udaleko Informazio, Erregistro eta Errolda Zerbitzua, gaur egun Udaletxeko beheko solairuan dagoena,  horren beheko solairura aldatuko da.

Udaletxearen atzealdean egongo da zerbitzu  horren sarrera, hain zuzen, Frontoi kaletik hurbilago.

Azaroaren 15ean hasiko dira kobratzen Amurrion eta Larrinben 2017ko 3. hiruhilekoko ur-hornidurari eta estolderia zerbitzuari dagozkien tasak. Ordainketa helbideratu gabe dutenek ordainketa egin ahalko dute Caixabank-en bulegoetan (Elexondo kalea 21) astelehenetik ostiralera, 08:15etik 14:00etara, fakturan agertzen den epean.

Amurrioko Parrokietako Caritasek elikagaiak bilduko ditu udalerrian beharrak dituzten pertsonei laguntzeko. Elikagai-bilketa azaroaren 13tik abenduaren 2ra bitartean egingo da, astelehenetik larunbatera Santa Maria Parrokian, 18:00etatik 20:00etara, eta San José parrokian 19:00etatik 19:30era. Antolatzaileek aldez aurretik eskerrek eman nahi dizkiete donazioak egiten dituzten pertsona guztiei.

Amurrioko udaltzaingoak trafiko kanpainetan parte hartzen jarraitzen du. Azaroaren 6tik 12ra bitartean kontrol bat egongo da oharkabetasunen aurka, nagusiki gps eta mugikorren erabileragatik.

Orriak